نفسى ألاقى لــحبى..شىء يعبر عنه مــــ.الكلام..!
بس شايف إُنه هُوَا..شىء غريب عن الأحلام..!
ونفسى نعلا..نعلا..نعدى نفوق السحاب..ويا نجوم الغرام..!
نفسى نتهامس برقه..نفسى نتلامس بنظره..نفسى أضمك أنسيكى الآلام..!
….
نفسى نمشى فوق خيالى..نفسى نبنيلك مدينه جوه بالى..!
نفسى أعرف إيه حكايتى وإيه جرالى..!
نفسى ألاقى همس حبك واقف بيغنى..ياغالى..!
نفسى أعرف لفين بحبك.؟.نفسى أجاوب عن سؤالى..!
نفسى أعبرلك عن مشاعرى..ونكون سوا فــ سهد الليالى..!
….
نفسى أعرف إنتى حزنى..ولا فرحى..ولا روحى.!.
نفسى أعرف إنتى إيه.،.وتشفى على إيديكى جروحى..!
نفسى ما تفارقى عينيا..نفسى أشوفك زوجه بين إيديا..!
نفسى أعرف إنتى إيه بالنسبه ليا..غير إنك يا ملاكى.. الدنيا ديا..!
….
إنتى نفسى ..أيوه نفسى..وإنتى الدنيا البعيده..!
إنتى سهرى..إنتى عمرى..وإنتى معانى فريده..!
إنتى حلمى..إنتى شوقى..وإنتى الفرحه السعيده..!
إنتى حب الخلود..إنتى حلم الوجود..وإنتى المبدأ والعقيده..!
إنتى الورده البديعه.. إنتى المطره والطبيعه..وإنتى الصفات الحميده..!
إنتى بدايتى والنهايه..إنتى حكايتى والروايه..وإنتى "حبيبتى"ودى الأكيده..!
 |
| DANDASH |
ليست هناك تعليقات:
إرسال تعليق